I am a Teacher’s Pet

Masakit sa tengang mapakinggan ang katagang ‘Teacher’s Pet’ – para bang sipsip agad ang gusto nitong ipahiwatig. Sa klase, asar ang marami sa estudyanteng paborito ni Ma’am o Sir. Aminin man natin o hindi, pabida ang tingin natin sa gaya nilang laging nakataas ang kamay kapag may tanong ang teacher. Daig pa ang bubuyog na si Jollibee kung makasipsip. Sa totoo lang, minsan din akong naging ‘Teacher’s Pet.’ Pero hindi naman ako pabida. Lagi lang akong taga: taga-kolekta ng projects, taga-check ng test papers, at taga-record ng grades.

Read Also: School Throwback Blog Call for Entries!

Hindi sa dinidepensahan ko ang mga tinaguriang ‘Teacher’s Pet’, pero gusto lang nilang maging responsable sa klase. Hindi lahat ng paborito ni Ma’am o Sir, top 1 sa klase. May walong taon na akong nagtuturo sa kolehiyo. Ngayong ako naman ang teacher, hindi ko rin maitatangging may pet ako sa klase. Hindi dahil paborito ko siya, kundi isa siya sa iilang maaasahan ko. Kung tutuusin nga, mahirap maging class representative. Ikaw ang sasalo sa lahat ng responsibilidad. Kapag may hindi naipasa sa takdang oras ang klase, sa’yo unang magagalit ang teacher. Ikaw rin ang nagsisilbing spokesperson – sa’yo ipararating ng mga kaklase mo ang gusto nilang sabihin sa teacher.

Ang totoo, teachers are human. They like what they like. They don’t like what they don’t like. Of course, teachers are objective. They look for the best in all their students. But we have to realize, they are human. They respond better to students they like. Ibig sabihin – kung alam mo na kung anong gusto ng teacher mo, ‘yon ang gawin mo. Sure akong magugustuhan ka rin niya. Malaking bagay ang simpleng ngiti kay Ma’am o Sir. Laging tandaan, first impression lasts.

Narito ang ilan sa tips ko sa mga estudyante na gustong makuha ang atensyon nina Ma’am at Sir lalo na ngayong balik-eskuwela na uli.

Una, give full attention to teachers. Importanteng attentive ka tuwing may class discussions. Iwasang makipag-tsismisan sa’yong katabi.

Don’t hesitate to ask – mas gusto ng teacher ang estudyanteng nagtatanong para linawin ang isang bagay. Libre ito. Kaya sabi nga ng isang medicine brand, huwag mahihiyang magtanong.

Correct teachers when necessary – kung may mali sa lecture ni Ma’am o Sir, i-call ang kanyang atensyon sa maayos na paraan. Huwag basta-basta magbida para itama ang teacher. Hindi magandang mapahiya siya sa klase.

Isa pa sa mabisa kong payo, work hard in class. Huwag kang papasok na hindi handa sa klase. Importanteng mag-advance reading sa inyong lessons para lagi kang ready sa recitation anytime.

Be kind to everyone – hindi ka lang dapat sa teacher mabait, kundi sa lahat – maging sa mga kaklase mo.

Join in extra-curricular activities – mahalagang maging well-rounded kang estudyante. Tipong hindi ka lang pang-libro, mahusay ka rin sa mga aktibidad sa labas ng classroom.

At huli, manage your time. Bilang ‘Teacher’s Pet’, ikaw ang madalas na class representative. Siguradong may dagdag na responsibilidad ka sa klase. Kaya dapat marunong kang mag-ayos ng schedule mo.

Read Also: #Sepanx: No to First Day Cry

Bear this in mind, hindi dahil ‘Teacher’s Pet’, sigurado ka nang may mataas na marka sa klase. Dapat pa ring mag-aral nang mabuti. Ipakita kina Ma’am at Sir na well-deserved ka sa anumang grade na makukuha mo.

Ang salitang ‘Teacher’s Pet’, hindi lang simpleng paborito ka. Malaki at malawak na tungkulin ang nakaatang dito na kailangan mong tuparin.

From TV news reporting, Julius Segovia finds love in the academe, teaching mass communications courses. He also continues his advocacy on entrepreneurship.

Leave a Reply