#HanapTrabaho

Oo, ikaw! Ikaw nga. Hindi ka nagkamali. Hindi lang naman ikaw ang nagsabi. Marami ang nagpapatunay. Hirap pa ring maghanap ng trabaho sa bansa. Sa kabila ‘yan ng pinakahuling ulat mula sa Philippine Statistics Authority na bumaba ang jobless rate sa bansa nitong unang bahagi ng 2018. Mula 6.6 percent noong January 2017, naitala na ito sa 5.3 percent ngayong taon.

Ang tanong – hindi kaya madagdagang muli ang bilang ng mga tambay o ‘yong mga walang trabaho? Ngayong taon kasi magtatapos ang unang batch ng mga estudyanteng inabot ng K to 12 program ng Department of Education. Sabi ng DepEd, “ready for job market” ang mga Senior High School graduate. Ibig sabihin, puwede na raw silang makipagsabayan sa hanapan ng trabaho.

Read Also: Saying Goodbye With a Grateful Heart

Pero duda rito ang ilang malalaking business groups at grupo ng mga negosyante. Hindi raw sapat ang 80-hour on-the-job training ng mga nasa Grades 11 at 12 para sabihing “ready for work” na sila.

Bagay na ipinagkibit-balikat lang ng DepEd. Sa statement ng Education Department, sinabi nitong The K to 12 program has equipped the students with the values, knowledge, and skills that the industries need.” Hindi naman daw number of hour ng OJT lang ang basehan ng mga kumpanya sa pagkuha ng job applicants. Dagdag pa ng DepEd, “Our strong partnership with different industries would also enable our graduates to strike a balance between theory and practice.”

Ang dramang ito ng DepEd at grupo ng mga negosyante – “He said, She said” lang. Sa huli, ang mga Senior High School graduate pa rin ang magpapatunay kung mabilis nga silang makahanap ng trabaho o hindi.

Read Also: Dear Isabelle Duterte, You Can Do Better Than That

Sa mga SHS graduate na breadwinner ng pamilya, posibleng no choice, baka mapilitan kayong maghanap ng trabaho kahit pa hindi swak sa track or field na kinuha n’yo sa Senior High School para makatulong lang sa mga pangangailangan sa bahay.

Pero kung may pagkakataon pang ipagpatuloy ang pag-aaral to the next level, ang College – subukan n’yong i-consider ang tips na bigay ng online portal na jobstreet.com noong isang taon. Baka sakaling hindi maging mahirap ang job hunting kapag natapos ang kolehiyo.

Sa pagpili raw ng kurso, dapat isaalang-alang ang economic situation ng bansa.

Read Also: The Culturally Insensitive Prenup Shoot of Coleen Garcia and Billy Crawford

Base sa economic plan ng Duterte Administration, apat na industriya ang bibigyang prayoridad sa susunod na lima hanggang anim na taon. Kabilang ang construction, manufacturing, tourism, at services.

Dahil kaliwa’t kanan ang mga proyekto sa ilalim ng Build Build Build, tinataya ng jobstreet.com na magkakaroon ng big demand sa engineering, architecture, accountancy, at vocational course graduates.

Lumalakas din ang turismo sa bansa. Magandang indikasyon na may puwang sa industriya ang mga nagpaplanong kumuha ng hotel and restaurant management, business management, entrepreneurship, tourism at liberal arts courses.

Read Also: What Maine Mendoza’s Return to ‘Eat Bulaga’ Actually Means

OK din ang services industry kaya bakit hindi subukang kumuha ng education courses. ‘Yon nga lang, hindi pa rin magiging maganda ang local employment sa mga nursing graduate. Posibleng mas click pa rin sila sa abroad.

Kahit pa anong kurso ang natapos mo, naniniwala pa rin ako sa kapalaran. Ika nga nina lolo at lola, “Kung hindi ukol, hindi bubukol”. Hindi rin naman tayo puwedeng umasa na lang sa suwerte at magpaka-Juan Tamad.

Ang kailangan, sipag, tiyaga at determinasyon. At siyempre, higit sa lahat – dasal. Huwag kalimutang manalangin.

 

From TV news reporting, Julius Segovia finds love in the academe, teaching mass communications courses. He also continues his advocacy on entrepreneurship.

Leave a Reply